1942: ROHINGYA JATÍR WORÉ KOUMI ZULU
—Anis Mostafa
Burma mollúk azadi no faibór age 1942 sálot, Arkanor wotóní koum Rohingya aar Buddhist mog okkóllór mazé ek fasad uçí accíl. Jibár naam "Mog haça-haçi" diléyó asólé ibát Rohingya jatir becá-bécí mali, rosomi aar jismi lúksán oíl. 1942 ót, British Colonial Rule ór tole accíldé Akyab oré Japani okkólé buma hamla górí baade, British foús okkól físsá dái gíl gói. Ítara rakí gíldé hatiyar okkól fisé jai mog okkólór hatot foccíl goi. Arkanor commissioner híssaíppa jimma diíldé koumiyotí mog U Kyaw Khine or hokúm loi Japan aar British honíkká núaccíldé mouka íyanot mog okkólé Arkanor wotóní koum Rohingya okkólór kún bacá curu gozzíl. Ítára ogona Rohingya okkól jorái díyá aar mari félár duwara Lemro doriyar faní na hosúr Rohingyár kún lói lal oígílgói. Zulúm ottún basító manúc okkól Rathidaung ór újú farár góidé timot Atokor dálár mukót 10000 fózzóntó Rohingya mog okkólór hátot fori mori gílgói. Jitarár háñddí ajó fózzóntó tuwai sailé lot faja. Khún baca jaga-bojaga fóilónor duwara hazar hazar Rohingyár fara, gór aar hazar bosorór furana rosomi cómbóttí okkól borbad gílgói. 100,000 woré Rohingya okkól Arkanor meçit micí gílgói. 1942 ór mamala iyanot Rohingya jatir jaani, maali aar rosomi lúksan oíyédé iyanólla, Rohingya jatir taríkh ót zulúmór cíñyoñr hissáippa leká giyyé.