1978: ROHINGYÁR HALÓT

- Anis Mostafa 

Rohingya okkólór hazar bosoror sóbúth takónór duwara Burmár tinnúwá kamiyabi hokumótór dhaiñ yé Rohingya okkólóré offícally decóittá koum aar wótóni koum hissáippá cíkar gojjíl. Lékín 1978 ót, socalis military jantá Ne Win ór hokúmóté foillá baarólla Rohingyár úlça boro campaign curu gorí Rohingya okkóloré decóttún nelai dibar kucíc gojjíl aar kanuni torika loi Rohingyár forisoi borbaad dibar operation sólail. Yá baade, decóttún neli oinno decot sahara loiyédé Rohingya okkólóré aar decót gólí nofaribólla "Naghamang Saiséré" hoi saík ugguwá gorí baade, oinno decot sahara loildé Rohingya okkólóré haçi difélaíl. Je saík guwa lói Rohingya jatir forisói yoré kanuni torika loi borbad dibar siyasí gojjíl.